Ағылшын тілі пән апталығы

№5 Михаил Ломоносов атындағы орта мектебінде 2019/2020 оқу жылының 27-31 қаңтар күндері ағылшын тілі пән апталығы болып жарияланды. Осыған орай мектебімізде ағылшын тілі пән мұғалімдерінің ұйымдасқан түрдегі түрлі сабақтары өтті. Алғаш 27.01.2019 ж апталықтың ашылуы  «Do you speak English» тақырыбында мектеп ұстаздары мен оқушыларына ағылшынша сұрақ жауап ретінде басталды. Сұрақтарға ағылшын тілінде жауап берілгендерге «Сoffee break» және тәттілер ұсынылды. Апталыққа барлық сынып оқушылары қамтылды. Ашылуда барлық оқушыларды мектебімізде апта бойы өтетін суреттер мен қабырға газеттер байқауына қатысуларына шақырды. Апталық жоспары жасақталып, сол бойынша бірлестік ұстаздары қамтылды. Мектеп дәліздері мен ағылшын тілі кабинеті безендіріліп, арнайы тақта ұйымдастырылды.

Ағылшын тілі пәні мұғалімдері бекітілген кестеге сәйкес өздеріне қарасты сыныптармен ашық сабақтар өткізілді. Сабақ кезеңдерге бөлініп, әр кезең соңы ұштастырылған түрде қорытынды болып отырды. Елбасымыздың «Болашаққа бағдар: Рухани жаңғыру» аясында оқушылар постер қорғау арқылы оқушылар ойын қорытты. Бейнероликтер көрсетілді.

Жалпы ағылшын тілі апталығы жақсы деңгейде өтіп, мектеп басшылығы тарапынан жақсы бағаланды. 31 қаңтар күні апталықтың жабылу салтанатында бастауыш сынып оқушылары «Бауырсақ» ертегісі ағылшын тілінде қойылды. Мектеп оқушылары қатыстырылып, концеттік номерлерде қамтылды, сонымен қатар апталықтың басында ілінген қабырға газеттер мен суреттер байқауы қорытындыланып,  марапатталды. Атап айтсақ, қабырға газеттер байқауында 5ә, 8б, 11ә -сыныптары марапатталып, ағылшын тіліндегі ән-бимен жалғасын тапты.

Апталықтың мақсаты-оқушыларымыздың білімін саралап,танымдық қабілеттерін арттыра отырып, ізденімпаздыққа, ұйымшылдық пен тапқырлыққа тәрбиелеу болды. Апталық барысында ағылшын тілі пән мұғалімдері өз мақсаттарына жетті.

Итыманова Камила,

№5 Михаил Ломоносов орта мектебінің ағылшын тілі пәнінің мұғалімі.